سياسة الخصوصية

إيه البيانات اللي بنجمعها؟

• الاسم ورقم الموبايل وعنوان التوصيل لإتمام الطلب ومتابعته.
• تفاصيل المنتجات اللي طلبتها وطريقة الدفع المختارة.
• بيانات بسيطة عن استخدام المتجر، زي الصفحات اللي بتزورها، لتحسين التجربة.

بنستخدمها في إيه؟

• تأكيد وتجهيز وتوصيل طلبك.
• الرد على استفساراتك ومتابعة حالة الطلب.
• تحسين المتجر والمنتجات اللي بنقدمها.

بنشاركها مع مين؟

بنشارك البيانات الضرورية فقط مع الجهات اللي بتساعدنا نكمل طلبك، زي شركة الشحن. ما بنبيعش بياناتك ولا بنستخدمها لإرسال رسائل تسويقية من غير سبب واضح.

الكوكيز وإعلانات ميتا وجوجل

بنستخدم جوجل أناليتكس عشان نعرف الزوار جايين منين وبيتفرجوا على إيه، من غير ما جوجل يعرف اسمك أو رقمك.

وبنستخدم بيكسل ميتا (فيسبوك وإنستجرام) عشان نعرف إعلاناتنا جابت مين، ونوري إعلاناتنا للناس اللي ممكن يهمها بردي كيدز. البيكسل بيحط كوكيز في متصفحك، وبيبعت لميتا الصفحات اللي زرتها والمنتجات اللي ضفتها للسلة. ولما تطلب أو تحجز، بنبعت لميتا رقم موبايلك واسمك متشفّرين (مش مكتوبين زي ما هم) ومعاهم قيمة الطلب، عشان ميتا تقدر تربط الطلب بالإعلان.

حماية البيانات

بناخد إجراءات معقولة لحماية بياناتك، وبنقصر الوصول عليها على الأشخاص والخدمات اللي محتاجاها لتشغيل المتجر والطلبات.

حقوقك

تقدر تسألنا عن بياناتك، تطلب تعديلها، أو تطلب حذفها لو مفيش سبب قانوني أو تشغيلي محتاجين نحتفظ بيها عشانه.